Chin Ramkulh Chung I Report Tambik Cu Vawlei Hmun Kong A Si

0

TCP-Online| 2018 March 19| Chin ramkulh chungah cozah nih tawlrelpiak dingin report tambik cu vawlei hmun kong ah a si ti thawng kan theih.

Hi kong ah ramkulh report ca lei zohfeltu committee lutlai Pu Phwe Aa nih “NLD cozah a kai hnu 2016 thok in report mi pawl hi 80 leng an si. Hi chung ah a tam bik cu vawlei hmun kongah a si” tiah a chim.

Vawlei kong report mi chung in a bikin vawlei hmun zuarnak kong, rami lonh ruang, hlan pi le pu hna nih ngeimi vawlei hna le 2012 kum cozah nih vawlei hmun kong upadi a thar tuahmi hna i a buaimi an si.

Kum hnih le cheu chung i report 80 leng ca a phakmi ah hin 20 lawng tawlrelpiak khawh an si rih tiah Pu Phwe Aa nih cun a chim.

“Tu tiang ah ahmuh 20 lawng kan tawlrelpiak khawh hna. A ruang cu kanmah committee nih motor lei chambaunak le mah report pawl hi ramkulh hluttaw sin kan chimh tikah kan va kal hnawh nakding i a dih dingmi tangkaa lei an kan tawlrel pial lo ca hna ah a si.”

Chin ramkulh Chairman Pu Zo Bawi nih cun “Mah committee ca ah hin motor pahnih kan pek  hna. Report a umnak hmun zongah kal in a van cithlat khawh ko. Nain, ramkomh budget lei in a rami tangkaa hman ding a si caah ningcang deuh in an hman ve a herh” tiah a chim.

Ref:BBC

About The Author

Na ruahning rak langhter ve.. (Leave a comment)

%d bloggers like this: