May 24, 2024

Chin Ramkulh Cozah Bu Le Yangon- Chin Zatlang Bu Ton Biaruahnak An Ngei

0

Chinland Post| 2018 March 20| Chin ramkulh cozah bu le Yangon, Chin Zatlang bu (Chiat/that) cu March 13 zanlei Chin ramkulh cozah zung meeting tuahnak hmun ah ton biaruahnak an ngei.

Hi ton biaruahnak ah Chief Minister Salai Lian Luai, Hluttaw Speaker Pu Zo Bawi, minister hna le ramkulh cozah zung upa hna an i tel kho. Chin ramkulh Chief Minister nih biatawi chimnak a ngeih.

Yangon, Chin Zatlang bu chairman Pu Peter Ngun Za Cung nih an i tinhmi, hmailei riantuan ding saduh an thahmi pawl chimhfiannak a ngeih. Chin miphun tengnge kip in hruaitu hna nih Chin cozah bu upa dihlak Chin nunphung thilthuam laksawng an pek hna.

Hi ton biaruahnak ah Yangon ramthen cozah bu nih Yangon, Chin Zatlang bu sin ah vawlei hmun ekah 3.907 a pekmi kulhnak, inn saknak hi Chin ramkulh cozah lei nih bawmhnak pek ding kong ceihruahnak an ngei. Cun, Chin miphun zapi fimcawnnak, ngandamnak, zatlang thanchonak le sipuazi kongkau tibantuk thanchonak ding kong ceihmai an ngei tiah theih a si.

Ref: Hakha IPRD

About The Author

Na ruahning rak langhter ve.. (Leave a comment)

%d bloggers like this: