Chin Ramkulh Chawphumhnak Caah American Dollar Nuai 5 Tiang An Onh

Chinland Post | 2018 March 20|ย Chin ramkulh chung electric chuahnak le peknak rian, cinthlaknak rian, hotel le khualtlawnnak rian, sethmuh zone sernak le khuapi sersiamnak rian tibantuk pawl caah chawphum dingmi (investment) zat cu American dollar nuai 5 (Ks. nuai 6000) tiang an onh i an fehter tiah theih a si.

Chin ramkulh chawphumnak committee tonpumhnak cu Chin ramkulh cozah bu meeting tuahnak khan, March 19 ah an tuah. Hi tonpumhnak ah Chin ramkulh Chief Minister nih Chin ramkulh cozah leikap in ramkulh chung thanchonak, rian hmuhnak le fimthiamnak hmuhnak caah ramchung ramleng in chawphumtu ding kan in sawm hna. Cuti chawphumnak rian pawl fawizaang le rianrang te in tuahtuan khawhnak caah tuanvo ngeitu cozah zung hna nih an in bawmhchanh hna lai. Chinram chung ah nan chawva rak phum cio ve uโ€ tiah sawmnak le bia a chim.
Cun, Chin ramkulh Chawphumnak le Company tawlrelnak zung in Director Dr. Min Zaw Oo nih atu lio an riantuanmi le tuanvo pawl chimhfianhnak a ngeih.

Chin ramkulh chawphumnak le company tawlrelnak zung cu 2017 October 20 ah rak hun a si. Nihin tiang hmatpungtin (register) a rak sokmi company 21 cu hmatpungtin chuahpiak an si cang. Sihmanhsehlaw, chawphumnak tuahding in a rak sokmi le cohlanmi an um rih lo. Ramchung ramleng in Chinram thanchonak caah chawphumnak riantuantu ding an sawm hna. Mi zeipaoh nih chawphum cio khawh a si tiah kan theih.

Ref: Hakha IPRD

Na ruahning rak langhter ve.. (Leave a comment)

%d bloggers like this: