Chin Ramkulh Cozah Sipin Minister Soe Thet A Citmi Tilawng AA Nih An Kah

Salai Bawi Lian Sang| TCP-Kalay| September 9,2020| Paletwa peng khuate cheukhat a tlawng lio mi Chin cozah Sinpi Soe Thet nih AA nih an kan kah tiah a chim. Cozah ralkap le AA hriamtlai suimilam cheu hrawng an I kap tiah U Soe Thet nih RFA ah a chim.

“Chun suimilam pakhat hrawng ah Helicopter zong a si lo. Tilawng in khual kan tlawng ah AA nih an kan kah a si. A hmun cu chim awk a tha lo caah ka achim rih lai lo. Hmapu kan um lo. Khat le khat I kah nak cu suimilam cheu a rau” tiah a chim chih.

Mah kong he pehtlai in Kawl ralkap le AA biachimnak nawl ngei tu hna cu RFA nih a chonh na tein bia lehnak a um lo.

Minister Soe Thet hi nai zarh ah peng chung khua pawl thanchonnak caaah Paletwa peng an phan I September 8 hnu ah cun party lemsuainak can zong onh can a si cang.

Paletwa peng uk U Aung Law nih “Helicopter cu kah a ton lo. Ralkap Kahlahyah (289) ah Helicopter hngak ding a kal mi Paletwa in a kal mi Kahlahyah 289 lutnak ah kah an ton. Minister Helicopter aa cit dihgmi hi Paletwa he mile cheu aa hlatnak a si I tilawng in kalnak hmun a si” tiah a chim.

Tulio Minister Soe Thet a umnak hmun cu himbawm te in umnak hmun ah a um ko tiah Chin ram kulh Amyotha MP Salai Myo Thait nih a chim.

Minister U Soe Thet cu a ra dingmi 2020 kum thimnak ah Paletwa peng  Pyine No.1 NLD Party aiawh in Candidate aa cuh than ding mi a si. Ref: RFA

 

 

Na ruahning rak langhter ve.. (Leave a comment)

%d bloggers like this: