Chin Ramkulh Milu A Cheu Hrawng An Zaam
The Chinland Post | 2024 June 4 — Chin ramkulh milu a cheu hrawng a si mi, mipi sing 2 le cheu hrawng cu kahdohnak le buainak ruang ah ramchung le a pawngkam ram hna ah an zaam i bawmhnak zong an hmuh lo caah an harsa ngaingai hna tiah CHRO nih June 3 ah cathanh a chuah.
Hramhram in uknak lak a si hlan ah milu sing 5 hrawng umnak Chin ram cu hramhram in uknak lak a si hnu kum 3 chung ah sing 2 le cheu hrawng hi ralzaam dirhmun an phan hna tiah theih a si. Ralzaam dirhmun a phan mi hna cu ramchung le India ram hna ah IDP dirhmun in, innlo ngei lo tein an i dor hna caah an harsa hringhran tiah CHRO nih a thanh.
Atulio kahdoh a chuahnak Tedim khuachung mipi hna telh in Tonzang, Cikha lei mipi hna zong an zaam caah eidin lei an harsa hringhran tiah theih a si.
2020 lio Chin ramkulh cozah nih a thanh ning ah, Chin ramkulh ah inn 96,696 a um i milu 52,0032 an um tiah theih a si.
About The Author
