June 20, 2024

SAC Nih VPN Danh In Facebook Hmang Kho Lo Ding Project A Tuah Cuahmah Lio

0

The Chinland Post | 2024 June 4 — SAC nih Myanmar ramchung ah Facebook cu VPN danh in hman khawh ti lo ding a thawk cang i cu VPN kong Project cu pehtlaihnak lei Deputy Minister Brigadier General Lu Mon hruainak in Colonel Thiha Min Htun, Kah-kah-set, Mascots Company in Dr. Win Kyaw le Tuluk Technician pawl he fonh in an tuah tiah theih a si.

VPN pawl hrawk ding in a biapi in a bawmtu hi Tuluk ram a si i Tuluk Technicians phu a si mi Mascots Technologies & Telecommunication company nih Project an i tlaih. Cu Tuluk Technicians phu chung ah thiamsang le Engineer 13 an i tel tiah theih a si.

SAC nih VPN pawl phih hnu ah aa ruahchan mi cu Myanmar ramchung buainak pawl vawlei pi a hmuhsak tu Facebook phih hi a si i Facebook he aa pehtlai mi Instagram, Whatsapp telh in Twitter@ platforms pawl vialte kha a rauh hlan ah tlamtling tein phih dih ding hi aa ruahchan mi a si.

VPN phih ding dirhmun in an hneksak cuahmah lio a si caah tlamtling tein a phit kho rih lo nain duhsah tein a thiam thluahmah hnu ahcun Myanmar ramchung mipi hna nih VPN hman a har taktak cang lai tiah Khit Thit sin in thawng theih a si.

About The Author

Na ruahning rak langhter ve.. (Leave a comment)