Chin ramkulh ralzaam hna nih edin le sii-ai an chanbau

Paletwa IDPs/RRCCI

The Chinland Post | 2022 May 26 – Chin ramkulh ralzaam hna nih eidin le sii-ai harnak an ton caah bawmhchannak an herh tiah bawmchantu phu nih an chim. Chin ramkulh, Matupi peng ralzaam hna nih eidin le sii-ai an i zaat lo caah kum 8 hngakchia 1 telh in mipi 6 an thi tiah ralzaam bawmtu phu nih an chim.

Matupi peng dirhmun he pehtlai in “Funding zong ngeih a si lo, sii zong kan ngeih lo caah thihter ding a si rih lomi hngakchia 1 telh in mipi 6 an rak thi. An nih hi a luancia kum October kahdohnak ruangah a zaammi an si. Kanmah hmunhma ah a zaammi hi an zapi te 1,000 leng an um” tiah ralzaam pakhat nih a chim.

Mindat khua ralzaam bawmtu zong nih “A hlan ahcun kan unau hna nih an kan bawmh ngai. Atu bel cu hmun kip ah harnak ton cio a si caah bawmhchannak a um bak ti lo. Lam in SAC ralkap nih kham le tlaih a si caah thilphorh a har i thilrii a cat. A biapi in eidin le sii-ai lei harnak a um” tiah a chim.

A raa laimi fur caan ahhin ralzaam hna umṭhutnak, eidin le ngandamnak hi atu nak in a zual chin kho tiah bawmchantu phu nih an chim.

Ref:RFA

Na ruahning rak langhter ve.. (Leave a comment)

%d bloggers like this: