Myanmar rammi 100 leng Thai ramri ah tlaih an tong

The Chinland Post | 2022 May 26 – Thai le Myanmar ramri Kanchanaburi peng, a ke pahra simi mawṭaw cungah Myanmar rammi 100 leng cu Thai ralkap nih May 25 ah an tlaih hna.

Thai-Myanmar ramri Kanchanaburi peng, Sairo gate tan in a rak raami mawṭaw chungah phungning loin a rak lutmi Myanmar rammi 100 leng hmuh an si. Kanchanaburi peng chung i Yam dum lei ah mawngh a si lioah Thai palik 2 nih an check hna i mawṭaw cungah a rak zulmi Myanmar rammi hna hmuh an si caah an zaam. Palik pawl nih meithal an puah hnawh hna i 100 leng an tlaih hna tiah Thai ram fimnak le ṭhanchonak lei rianngeitu U Min U nih a chim.

Atu tlaih a tongmi pawl hi Mandalay khua in a raami an si. Thai ram peng 3 chungah rian nan ngah hna lai tiah phungning loin mi phortu pawl nih an rak auh hna. Thai ram peng 3 chungah rian a ṭuan ding an si tiah a chim.

Tlaih a tongmi hna hi pahnih phir mawṭaw cungah sautuk an i uam caah a can rauh deuh ahcun an thaw iap khomi a si tiah U Min U nih a chim.

A luancia ni tlawmpal zongah phungning loin mi phortu pawl nih Myanmar rammi 10 cu Tak province in Chai Nat lei ah kawm a phormi mawṭaw in an kalpi hna lioah oxygen ngah ti loin minu 2 an rak thi bal cang.

Atu lioah, rian kawl ding in a phanmi Myanmar rammi hna cu Thai-Myanmar ramri hmun kip ah a phuphu in an rak lut lengmang tiah RFA nih a langhter.

Na ruahning rak langhter ve.. (Leave a comment)

%d bloggers like this: