Chin Ramkulh Zarhkhat Chung Te Lawng Ah Zuu Ks. 8,532,200 Man An Tlaih

Salai CungCung|2019 June 14| 2019 June 1-6 tiang zarhkhat chung te lawng ah Chin ramkulh ah Zuu thol 1360, beer thol 1672, beer bu 469 tangka in ks. 8,532,200 man cu minung 11 sin in an tlaih hna tiah Chin ramkulh palek zung in kan theih.

Hi Zuu tlaihmi cu Hakha in Zuu thol 2160, beer thol 1672, beer bu 288 tangka in ks. 7,894,800 man cu pa pahnih le nu pakhat sin in an tlaih hna. Thantlang in Zuu thol 23 tangka in 138,000 cu pa pakhat sin in an tlaih. Falam in Zuu thol 119, beer bu 50 tangka 186,000 man cu pa pathum le nu pakhat sin in an tlaih hna. Tonzang in Zuu thol 20 tangka in 20,000 man cu nu pahnih sin in an tlaih hna. Mindat in Zuu thol 38 beer bu 131 tangka in 293,400 man cu nu pakhat sin in an tlaih hna. An tlaihmi zapi cu minung in 11 Zuu thol in 2360, beer thol 1672, beer bu 469 tangka in ks. 8,532,200 man  an si. Hiti an tlaih hna cu license ngei lo in a zuar ruang ah a si tiah Chin ramkulh palek zung cazin ning in kan theih.

Rithaisii Chin ramkulh pengkip ah an tlaihmi hna cu, Tedim in Bing rang 2.22 kg le thinlung thawhternak rithaisii tlang 12, tangka in 102,600 man  pa pahnih sin in an tlaih hna tiah kan theih.

Leave a Commnet

%d bloggers like this: