Chinram Chung In Paletwa Ralzaam Ca Bawmhhalmi Ks. Sing 300 Renglo An Hmuh Cang

The Chinland Post| 2019 July 3| Paletwa peng ralzaam caah Chin ramkulh pengkip mino hna nih mizapi sin bawmhhalnak an tuahmi chung in ks. sing 300 (30,000,000) renglo an hmuh cang tiah theih a si.

Paletwa ralzaam hna caah Mindat in ks. sing 36 renglo, Falam in ks. sing 70 renglo, Hakha in ks. Ks.20,606,850 (sing 200 renglo), a zapi ks. 31,206, 850 an hmuh cang. Atu hi peng dang le hmundang ah pehzulh in bawmhhalnak an tuah lengmang rih caah cazin fiangte in hngalh khawh a si rih lo.

Matupi hi cazin an khawmh dih rih lo caah cazin hi a dikthliar a si kho rih lo. Cun, Tedim le Tonzang zong tu thla 21 tiang bawmhalnak an tuah rih lai. Cun, Kalay ah Chin Siangnakchia bu hruai nak in le Yangon um Chin miphun biakinn kip zong ah bawmhhalnak an tuah lai tiah kan theih.

Hi pin ah ramkip um Chin mibu hna nih siseh, ramchung, ramleng pumpak le mibu in siseh, Chinram cozah lei zong in Paletwa ralzam hna caah kut an samh cio tiah kan theih.

AA ralkap le cozah ralkap karlak i kahdohnak pehzulh in a chuah ruang ah ralzaam pawl an karh chin i a biapi in eidin, hnipuan, ngandamnak le fimcawnnak lei kongkau ah harnak an tong.

Leave a Commnet

%d bloggers like this: