Hakha Dinti Peknak Riantuantu Company Pahnih Nih Liamhrulhnak An Tuah Lo Cun Tazacuai An Si Lai

TCP-Thantlang| 2019 July 2| Hakha khuapi dinti lak mi khuachung phawtzamhnak rian a tuan tu Company pahnih nih Chin ramkulh cozah sin ah liamhrualhnak a caan chung teah an tuah lo ah cun rian dinhter hnu ah tazacuai an si lai tiah sipin vuanci U Soe Htet nih a chim.

Hi kong he pehtlai in June 28 ni ah tuah mi Chin cozah Hluttaw tonpumhnak hmun ah Thantlang Pyine Hluttaw palai Pu Van Thawng nih biahalnak a tuah mi chungah a tu bantuk in bialehnak a tuah hi a si.

Hakha khuachung sangthen hmun 6 dinti ngah nak ding caah budget sing 2900 dih in dinti khonnak Gallon 5000 tlum saknak ca, khuachung ti pape thenphawt nak ca, Control Box pawl tuahnak ding, ti meter bunhnak ca, khuapawngkam hmun 4 ah dinti lak nak kong le inn kip ah dinti peknak rian kongkau tuah ding hna cu kum thum chungah an dih kho rih lo.

Cucaah khuami hna dinti an hmuh bal lo caah Chin cozah nih riantuan tu hna cu zohfel piak le a herhningin dantatnak tuah an si lo caah khuami pawl an vuivai nak kong MP Pu Van Thawng nih chimrelnak a ngei.

Hakha khuachung dinti phawtzamhnak kongah Tender hmu mi K & DL Company le Moe Koh Swe Yee Company nih a caan chungah rian an tuan chuah khawh bal lo caah le riantuan an fum caah liamh ding mi Ks. 73854751.80 le cazin chek tu hna nih an tuak ning in riantuan tu Company hna nih Ks 2227.763 liamhrulhnak cu July 12 tiang i an pek lo ah cun phungning tein taza kan cuai hna lai tiah sipin vuanci U Soe Htet nih bia lehnak a tuah.

Ref: Chin State Parliament, The Voice

Leave a Commnet

%d bloggers like this: