Coastal Region Command Deputy Commander, 20th Military Operations Command (MOC-20) Commander Le Tanintharyi Region Border Affairs Minister Tlaih An Tong
Salai Mangpau | July 29, 2023 — Tanintharyi Coastal Region Command Deputy Commander (ဒုတိုင်းမှူ:) Brigadier General Tit Lwin Htu, 20th Military Operations Command (စကခ 20, MOC-20) Commander Brigadier General Win Kyaw Tu le Tanintharyi Region Border Affairs Minister Cononel Thein Lin cu July 26 ni ah Nay Pyi Taw lei nih an rak tlaih hna tiah Mizzama daily news ah a chim.
Coastal Region Command Deputy Commander Brigadier General Htit Lwin Htu le Kawthong District Khamouk hrambunh စကခ 20 (MOC-20) Commander Brigadier General Win Kyaw Tu cu ralkap battalion chungah an tlaih hna. Tanintharyi Region Border Affairs Minister Colonel Thein Lin hi Minister umnak inn ah an tlaih tiah theih a si.
Tlaih an tonnak a ruang cu theih a si rih lo, nain Brigadier General Htit Lwin Htu cu Deputy commander rank in an tlak i a inn ah an hrem khunh lio a si. Brigadier General Win Kyaw Tu cu bia an hal lio a si. Region Border Affairs Minister Colonel Thein Lin tu cu an tlaih inn hremkhunh a si ve i, a ngaih mi thilri, inn le lo vialte tliah/khar piak a ton chih.
စကခ 20 (MOC-20) commander Brigadier General Win Kyaw Tu cu 2022, August ah MOC 20 ah coastal region commander rian a tuan. A mah hi LID 33 zongah commander rian a tuan lio ah Sagaing ram`hen mipi thahnak le inn meikhang dingin nawl a pe tu ralbawi ngan pakhat a si.
Tanintharyi Region Border Affairs Minister Colonel Thein Lin hi Thai-Myanmar ramri chawlet a tuahmi hna sin ah eihmurnak a tuah tiah sualnak lei minthang ralkap bawi a si.
July thlahramthok ah Kawthong district le Myeik district chawlet mi hna nih Thailand in phungning lo an lut pi mi tangka sing sang tampi man a si mi eidin thil, innsaknak hmanmi thilri, cu Colonel Thein Lin nih a rak tlaih bal hna.
Tlaih a ton mi hi ralkap cunglei bawi hawikom he aa thei hngal mi Kroni (ခရိုနီ)thilri a si caah a rauh hlan ah tlaih a ton hi a si ko tiah ramri chawlet mi pakhat a chim.
A tubantuk in tlaih an tonnak hi SAC kuttang riantun mi le mirum pawl komh in Naypidaw ah report an rak tuah tiah theih a si.
July 13 ah khan major General Ko Ko Maung, Deputy Commander Brigadier General Aung Myo Oo, Colonel Aung Kyi Lin(Border Affairs Minister), Hpakant Camp Commander le Officers-2, an dihlak ralbawi 6 cu Naypidaw in an rak tlaih hna.
July thla chungah Nay Pyi Taw SAC lei nih ralbawi ngan 9 an rak tlaih cang hna.
About The Author
