Thlanglei 2nd Military Phu Umnak Hmun Thla 6 Chung Kahnak Ah SAC Camp 13 An Lak Kawh, Ralhrang 180-250 Thah An Si
Salai Mangpau | July 29, 2023 — Thlanglei, Southern Sub-Military 2 Force for Federal Democracy (F.F.D) le tangrual phu thla 6 chung kahnak ah SAC camp a nganmi 5, camp hme 8 an lak kawh, ralhrang lei mi 180 in 250 kar an thi tiah Force for Federal Democracy FFD nih an chim
2023 January 1 – June 30 tiang ah SAC ralkap camp-ngan 9, camp hme cu Force for Federal Democracy (FFD) le ṭangṭi phu hna nih an laak khawh. Kahdohnak ah SAC ralkap 180-250 kar an thi. FFD in ralkap pakhat nih ram le miphun ca ah a nunnak a pek.
Cun, rallam a sialmi SAC ralkap voi 5 tiang kan kah hna i mei bom telh in bomb lung 1,910 kan thlakhnawh hna pinah mipi ralkap sermi lamhlat kahnak missile bom lung 160 leng in kan kah hna, tiah FFD nih an chim.
Thlanglei 2 nd Military hruainak hmun Thla 6 chung kahdohnak ah KNLA le NUG runvennak zung(MOD) lamhruainak le timhtuahnak in FFD le Karen National Liberation Army(KNLA), PDF, Bamar People’s Liberation Army(BPLA), Karenni National People’s Liberation Front(KNPLF) le Karenni Army(KA) hna leng ah a dang PDF hna zong an i tel i drone le lamhlat kahnak missile zong kan hman, tiah Force for Federal Democracy (FFD) nih cun an langhter.
Nihin Myanmar ram Mipi ralkap tamrualnak bu cu Ethnic Armed Organisations (EAO) tiin phu 3 ah then a si.
1st Military Region – Kachin, Chin le Chaklei Shan ram, Sagaing, Magway le Mandalay Hmun,
2nd Military Region – Karen, Karenni, Mon, Tanintharyi, Irrawaddy, Bago le Yangon hmun,
3rd Military Region – Naypyitaw le neihniam mi hmun,
Theihternak : 2nd and 3rd Military Region hriamtlai phu cu a tu ah thlanglei ralkap phu hruainak ah an um.
About The Author
