Coastal Region Command in Brigadier General 2 le Colonel 1 An Kong Theih A Si Ti Lo, August Thla hramthok In Ralbawi 61 Rian An Dinh Ter Hna
Salai Mangpau | 2023 August 11 — Tanintharyi Coastal Region Command Deputy Commander ဒုတိုင်းမှူ: Brigadier General Thit Lwin Htu , 20th Military Operations Command ၊ စကခ 20 (MOC-20) Commander Brigadier General Win Kyaw Thu le Tanintharyi Region Border Affairs Minister Colonel Thein Lin cu July 26 ni ah Nayphitaw lei nih an rak tlaih hna i August 10 tiang an thawngpang theih an si ti lo tiah Ayeyarwaddy Times nih a langhter.
Coastal Region Command Deputy Commander Brigadier General Thit Lwin Htu le Kawthong District Khamouk hrambunh စကခ 20 (MOC-20) Commander Brigadier General Win Kyaw Tu cu ralkap battalion chung ah an tlaih hna. Tanintharyi Region Border Affairs Minister Colonel Thein Lin hi Minister umnak inn ah an rak tlaih.
Coastal Region Deputy Commander Brigadier General Thit Lwin Htu aiawh ah Colonel Aung Myo Tun, Kawthong District Khamouk hrambunh စကခ 20 (MOC-20) Commander Brigadier General Win Kyaw Thu aiawh ah Colonel Zey Yar Lin, Tanintharyi Region Border Affairs Minister Colonel Thein Lin aiawh ah Colonel Min Min Latt rian pek an si tiah theih a si.
Coastal Region Command tang ah စကခ 10- MOC 20 tang um LID- 592, 262/ 431/ 432/ 282/ 584/ 582/ 596/ 597 battalion 10 an um.
August thla hramthawk in SAC lei nih ralbawi ngan Colonel rank in General rank tiang ralbawi 61 rian an dinh ter cang hna tiah theih a si.
About The Author
