Cobra Column hmunhma ah ni 4 chung kahdohnak a chuak, SAC ralkap 10 leng an thi

The Chinland Post | 2022 November 25 – KNLA battalion 27 Cobra Column nih an tlaihnak hmunhma chung ah ni 4 chung kahdohnak a chuak i SAC ralkap a thi mi an tam bantuk in Cobra Column hriamtlai 3 an nunnak a liam tiah Cobra Column nih a thanh.

SAC Brigade 44 kuttang battalion pawl le KNLA battalion 27, Cobra Column, Black Leopard phu, Federal Wing Drone phu hna karlak ah November 21-25 tiang ni 4 chung kahdohnak a chuah hi a si.

November 22 zinglei ah Myawaddy-Wawlay lam ah a umkal mi DKBA mawṭaw 1, Cobra Column i eidin a phortu mawṭaw 1 cu SAC ralkap nih an kah caah Cobra Column chungtel 1, hriamtlai nu 2 an nunnak a liam tiah theih a si.

KNLA battalion 27 kuttang phu le SAC ralkap karlak ah kahdohnak nifatin in a chuak i November 1-24 tiang chung ah kahdohnak hme voi 21 a chuak i SAC ralkap 33 an thi, 38 an i hliam tiah KNU nih a thanh i cazin lak khawh rih lo mi SAC ralkap a thi mi tampi zong an um tiah a langhter chih.

Na ruahning rak langhter ve.. (Leave a comment)

%d bloggers like this: