Khin U kahdohnak ah SAC ralkap 40 deng an thi, SAC nih Helicopter in a kah hna caah PDF 6 an nunnak a liam

The Chinland Post | 2022 November 25 – Sagaing ramṭhen, Khin U peng, Monhla khua pawng ah a chuak mi kahdohnak chung ah SAC ralkap 40 deng an thi i SAC nih Helicopter in a kah hna caah PDF 6 nih ram le miphun caah an nunnak an pek tiah thawng theih a si.

November 23 ah Pinsein khua a rak lut mi SAC ralkap pawl cu PDF phufonh nih bom an puah hnawh hna i SAC ralkap 40 hrawng an thi, cu hnu ah Helicopter nih a rak kah hna i PDF 6 an nunnak a liam, caw a cawng lio mi kum 7 hngakchia hriamngan nih a khen i a thi, November 23 ah mipi 4 an nunnak a liam tiah PDF sin in thawng theih a si.

“Monhla khua ah vanlei in kahdohnak kan ton ruang ah PDF 6 an nunnak a liam. Caw a cawng lio mi kum 7 hngakchia hriamngan nih a khen i a thi. Nizaan ah mipi 4 an thi” tiah Khin U PDF nih Khit Thit ah a chim.

Helicopter nih kah ruang ah a nunnak a liam mi PDF hna cu

1) Toe Toe

2) Wine Chit

3) A Naing

4) Aung Aung U

5) Chit Toe

6)HW hna an si i PDF tampi an i hliam tiah theih a si.

Bawmh ding in a raa mi SAC ralkap pawl nih Khin U peng thlanglei an rak khangh thluahmah hnu ah PDF 1 zong a hnawng an cik i taang 5 hngakchia pakhat zong an kah i a thi tiah theih a si.

Hmanthlak – Khin U kahdohnak ah a nunnak liam mi PDF pakhat

Na ruahning rak langhter ve.. (Leave a comment)

%d bloggers like this: