Cozah Riantuan Thlahlawh Kaiter Mi Cu April Thlathok Khan Aa Thok Ve Lai Tiah

TCP-Thantlang| 2018 April 30| Cozah zungriantuan thlahlawh kaiternak cu April 25 ah rampi cozah upa pawl hnatlaknak (7/2018) in biachahnak rak ngeih cangmi a si bantuk in April thlathok ri in thlahlawh kaitermi cu pek an si lai tiah rampi tangka tlaitu zungpi nih thawngthanhnak a tuah.

Ralkap vuanthan tel in cozah zung riantuan hna pumpawcawm nak caah a thahnem mi a si khawhnak hnga a tubantuk in thlahhlawh an kaiter hna hi a si.

Cozah riantuan pakhat nih 120,000 in 210,000 tiang a rak hmuhmi (a hmuh-thing) kha 20% in a kai caah 144,000 in 252,000 tiang an hmuh cang lai. Cun 250,000 in 500,000 tiang thlahlawh a rak ei mi hna (a ya-thaing) cu 10% kai ter a si ve caah 275,000 in 550,000 tiang an hmu ve cang lai.

Mah pin ah pension thlahlawh, zung nih chiahmi hna vuanthan pawl an thlahlawh ningte, fimthiamnak a ngei i laksawng pek mi hna pawl cu zohfel than hnu ah a dangtein pek an si lai.

Zung nih khanh(chiah) chom mi vuanthan, humhimnak vengtu, thianh hlimhnak tuah tu hna cu a ningtein an thlahlawh a si ko lai’ tiah U Tun Tun Naing nih a chim.

Ramdang i a um mi cozah riantuan hna cu amah ning tein pek an si ko lai i, ram chung an rak tlun tik tu ah thlahlawh a kai ning tein an hmu ve lai tiah rampi zung nih theihternak a tuah.
Ref: 7Day Daily News, DVB

Na ruahning rak langhter ve.. (Leave a comment)

%d bloggers like this: