88 Chanchuak Phu Nih Party Lutlai Pahnih An Thim Cang Hna

0

Salai Aung Aung |2018 April 29| Party dirhnak nawl pek a si cangmi 8888 Pyithu Party cu ramkomh thimnak commission sin chuahpi ding in party lutlai caah U Ko Ko Gyi le a changtu ah U Yee Naing Aung cu April 29 ah an thim hna tiah theih a si.

“Kan chim khawhmi cu, tu hi party dirhnak nawl onhnak ca cu email in an kan kuat cang. Cun hmaizarh ah party upa minung 18 lungtling in thimmi party lutlai pahnih cu thimnak commission sinah kan kuat lai. A dang pakhat cu ni 30 chung ah party min, logo, zulhphung le phunghram pawl kha commission zungah pek dih ding an ti i kannih cu timhcia kan si ko caah hmaizarh chung ah kan kuat colh lai” tiah a chim.

8888 Pyithu Party cu ramkomh thimnak commission nih April 26 ah khan party dirhnak nawl onhnak an pek cang hna i May 2 ah a herhmi paoh 8888 Pyituh party lei in pek khawh dih ding an i tim.

Party hmatpungtin kong tlamtling tein aa lim hnu ah CEC, Party chungtel le Party lutlai, a changtu tibantuk kha a thar in thim than an si te lai tiah U Ko Ko Gyi nih a chim.

8888 Pyithu party cu phungning tein hmatpungtin an i tuah khawh bak in tukum caan karlak thimnak ah a tlawmbik hmun thum tal ah thimnak i cuh ding in an tim, a hmunhma bel fiang tein chim awk a tha rih lo tiah tu lio chikkhat party lutlai chang U Yee Naing Aung nih a chim.

December thla ah khan 8888 Party timi min bunh in party dirh ding nawl an rak hal cang nain a min kong ah soisel le dohdalhnak a um caah thimnak commission upa le 88 chanchuak upa pawl an i tong i 8888 Pyithu party tiin a min thlen in an dirh than nak a a si tiah kan theih.
Ref: RFA Burmese

About The Author

Na ruahning rak langhter ve.. (Leave a comment)

%d bloggers like this: