May 21, 2024

Cozah Riantuantu Thlahlawh Karhmi Zat Palhremhnak An Tuah Than

0

City Hunter| 2018 April 19| Cozah riantuantu thlahlawh karh dingmi he pehtlai in vuanthawk rian nakin a niam deuhmi a tlawm bik thlahlawh an thanhmi zat kha aa palh caah Planning le Finance Ministry zung nih palhremhnak an tuah than. 

“Myanmar ram President U Win Myint nih April 17 ah kumthar biarocah a chimmi ah vuanthawk rian nakin a niam deuhmi cozah riantuantu zapi a tlawm bik thlahlawh cu ks. 120,000 in 138,000 tiang karh a si lai tiah an langhter. Cuti an langhtermi kha aa palh. A tlawm bik thlahlawh cu ks. 120,000 in 144,000 tiang karh an si lai” ti rel remhpiak than ding in Ramkomh Simanking le Tangka lei ministry zung nih palhremhnak an tuah than.

President U Win Myint biarocah ahcun riantuantu pakhat nikhat nihlawh cu a tlawm bik ks. 4800 he aa tlak in vuanthawk (Oo-sii-A-ya-sih) rian nakin a niam deuhmi cozah riantuantu paoh zatuak 20% thlahlawh karhding le vuanthawk telhchih in vuanthawk in a cunglei cozah riantuantu paoh zatuak 10% thlahlawh karhding tiah a chim.

Vuanthawk rian nakin a niam deuhmi cozah riantuantu thlahlawh cu a tlawm bik ks. 120,000 in 144,000 tiang karhpiak le vuanthawk in a cunglei cozah riantuantu paoh a tam bik thlahlawh cu ks. 500,000 in 550,000 tiang karhpiak nan si lai tiah President U Win Myint nih kumthar biarocah ah a chim.
Ref: DVB Burmese

About The Author

Na ruahning rak langhter ve.. (Leave a comment)

%d bloggers like this: