CYONA Idol 2019 Zuamnak Ah Top 5 A Phanmi Minung 5
The Chinland Post| 2019 July 4| CYONA (Chin Youth Organization of North America) Idol 2019 zuamnak level-1 cu July 3 zan ah minung 15 an i zuam i a thiam bik (top 5) minung 5 an thim khawh than cang hna tiah kan theih.
Minung 15 aa zuammi lak chung in top 5 a phanmi hna cu; Ngun Hram Lian (Nebraska), Sui Cer Chin (Amarillo, Tx), Olivia Thla Hnem Sui (Indiana), John Te (Canada) le Abigail Biak Tha Hnem (Kentucky) an si.
CYONA convention pi cu July 4-6 tiang Indianapolis, Indiana ah an tuah lai. Idol top 5 a phanmi cu thaizing zan (July 4 zan) ah an i zuam than lai.
CYONA 2019 Idol top 5 zuamnak ah biakhiaktu (judges) ding hna cu; Ci Lian, Herh Lian, Tlimtue Thang, Uk Lian an si lai tiah kan theih.
CYONA convention pi le Idol zuamnak ah 2009 kum hnu cun kumhnih ah voikhat in an tuah. CYONA Idol zuamnak ah 2017 kum tiang winner cotu hi minung 7 an si cang i tukum winner cotu ding he hin minung 8 an si te lai.
CYONA Idol zuamnak ah winner a rak co baltu hna cu;
- 2006 kum ah Rebeca Biakthachin Sung,
- 2007 kum ah Cung Tha Lian,
- 2009 kum ah Van Tha Hlei Dim,
- 2011 kum ah Dawt Len Zi,
- 2013 kum ah Ngun Tha Chin,
- 2015 kum ah Ah Thang,
- 2017 kum ah Bawi Hlei Mang an si.
Photo & Video: CYONA facebook page
About The Author
