Demoso kahdohnak ah ralhrang a thimi an tam
The Chinland Post | 2022 March 7 – Kayah ram, Demoso peng Kyauksekan kahdohnak ah ralhrang tampi an thi tiah thawng theih a si. A thimi pawl an ruak le an tlaihmi hna video cu mipi hriamtlai pakhat nih a facebook cahmai ah a tar.
March 6 ah Demoso peng Ngwetaung chungtel Phayarngoteto khua Kyaukekan ah kahdohnak fak a chuak. PDF-Demoso, mipi hriamtlai phu, CTU le a dang mipi hriamtlai phu pawl fonhin ralhrang kan kah hna tiah PDF-Demoso nih March 7 ah a thanh.
Ralhrang nih February thla thokin Kahdohnak a thok caah Demoso le Shan-Kayah ramri, Moebye ah nifatin tiawk in kahdohnak a chuah hi a si.
About The Author
