Demoso Kungtha kahdohnak ah SAC ralkap 15 an thi, mipi hriamtlai 1 a nunnak a liam

The Chinland Post | 2022 September 27 – Karenni ram, Demoso peng, Kungtha khua September 26 zaanlei ah a cangmi kahdohnak ah SAC ralkap 15 nak tlawm lo an thi i mipi hriamtlai pakhat hriamngan ci nih a peh i a nunnak a liam tiah KRU sin in theih a si.

“Sianginn ah hmunhma a khuarmi SAC ralkap pawl kan kah hna lioah kum 18 lawng a si rih mi kanmah lei hriamtlai pakhat a nunnak a liam, SAC ralkap pawl zong kan kahmi hriamngan nih a khen hna, an hrumai thawng kan theih” tiah KRU thawngthanhnak rian ngeitu Ko Lin Lin nih Mizzima ah a chim.

Kungtha khua ah caan saupi hmunhma a khuar cangmi SAC ralkap le Karenni hmunhma hriamtlai hna karlah ah kahdohnak atu le atu a chuak i tutan kahdohnak zong hi SAC ralkap hriam pawl lak khawh ding in an kah mi hna a si ko nain kahdohnak chung ah SAC ralkap nih 120MM lung 30 hrawng an hman. Ngwetaung, Loikaw, Daung lei in hriamngan kah an bawmh hna caah hriam an la kho lo tiah a chim.

Na ruahning rak langhter ve.. (Leave a comment)

%d bloggers like this: