Dr. Aye Maung Le Catial Thiam Wai Hin Aung Thong Kum 22 Thlak Ding In Bia An Khiah
TCP-Hakha| 2019 March 19| Rampi dohkalh-sualphawtnak le rampi cung ah lungrepngeihlonak pohmah pahnih in tazacuai a tongmi Dr. Aye Maung le catialthiam Wai Hin Aung cu Rakhine ramkulh, Sittwe pengkomh biaceih zung nih March 19 zing ah thong kum 22 thlak ding in biakhiahnak a tuah.
An pahnih te in rampi dohkalh-sualphawt pohmah 122 in thong kum 20 le rampi chiatchuahnak pohmah 505(b) in thong kum 2 veve biakhiahnak tuahpiak an si.
Anmah pahnih cu a luancia 2018 kum January thla Yatehtaung peng ah tuahmi biachimnak puai pakhat i an biachimmi ruang ah tlaih le tazacuai an si.
Nihin ah Dr. Aye Maung cu biakhiahnak tuahding a si caah Sittwe pengkomh biaceih zung pawngkam ah palek thazaang tampi an chiahchap tiah theih a si.
Ref: 7Day News
About The Author
