June 22, 2024

Dr. Za Hlei Thang Ruak Cu April 15 Hrawngah Kawlram A Phan Lai

0

TCP-Online| 2018 March 22| CNF Chairman hlun Dr. Za Hlei Thang ruak cu April 15 hrawngah Kawlram a phan kho te lai ti thawng kan theih.

Hi kong he pehtlai in Pu Daniel Sakhong nih “A ruak tlunpi khawh nakding ca hin CNF kan Chairman Pu Zing Cung le Pu Bawi Lian Mang nih an tawlrel i a tlam a tling dih cang. A ruak hi April 15 hrawngah Kawlram a phan te lai. A ruak zong hi Yangon in Mandalay pal in kalpi a si lai” tiah a Facebook ah a tar.

Dr. Za Hlei Thang ruak Chin ram a phak khawh nakding caah hin $25000 tluk a herh i cu zong cu CNF nih US ram Chin khrihfabu kip sinah tlawm an hal hna ti kan theih.

“Anmah an chungkhar zong nih an ti khawhmi a si ko lai. Nain, kan Chin miphun kan pa a si i chungkhar retheih lo tein tlunpi kho u sihlaw a tha lai” tiah CNF Chairman Pu Zing Cung nih a chim.

Tuabntuk in a ruak cu April thla lawng i tlunpi an timhnak hi Dr. Za Hlei Thang a fanu Dr. Milan Za hi April 13 hrawngah exam tuah ding a si ca zong a si kho ti ruah a um.

March 17 ni zanlei suimilaam 1:34 ah Chin MP hlun le CNF former Chairman Dr. Za Hlei Thang cu US ram i Georgetown University Hospital ah cuap lei damlonak in mual a liam mi a si.+++

About The Author

Na ruahning rak langhter ve.. (Leave a comment)