May 21, 2024

Mizoram Chief Minister Hlun Pu Zoramthanga Le Chin Ramkulh Chief Minister Ton Biaruahnak An Ngei

0

City Hunter| 2018 March 22| India, Mizoram ramkulh in a rak phanmi Mizoram Chief Minister hlun le Mizo National Front (MNF) party haotu Pu Zoramthanga le Chin ramkulh Chief Minister Salai Lian Luai cu March 21 ah ton biaruahnak an ngei tiah kan theih.

Kalay in Chin ramkulh, Hakha ah a rak phanmi Pu Zoramthanga cu Chinram cozah tuanvo ngeitu hna nih Union Guest House ah an don i Chin ramkulh Chief Minister a zungkhaan ah ton biaruahnak an ngei. Cu dih hnu ah zanlei suimilam 4:00 hrawng ah Hakha hrambunh media cheukhat he ton biaruahnak an ngei. Cu lio ahcun Pu Zoramthanga nih, “Chin mizapi le Mizoram mizapi i bawmhnak le riantuantinak thatter deuh i Chinram thanchonak caah Mizoram mizapi he hmunkhatte ah rian tuanchuahti khawhnak ding hlat ah atu bantuk in Chinram ka rak tlawn hi a si” tiah a chim.

“Chinram cozah he hi rian tuanchuahti khawhnak ding ah aralaimi November thla ah tuahdingmi Mizoram thimnak ah MNF party hi teinak hmuh kan herh. Kanmah party nih teinak kan ngah lawng ah kan duhherhmi rian kan tuanchuah khawh lai” tiah a chimchih.

Media he tonbiaruahnak an ngeih hi Alpha & Omega company zung ah a si. Media he ton biaruahnak an ngeih dih hnu ah Falam ah an kal tiah theih a si.

MNF party haotu Pu Zoramthanga cu Mizoram ramkulh ah 1998 December in 2008 December tiang kumhra chung Chief Minister a rak tuan balmi a si. Amah hi 1944 July 13 ah a chuak.

Ref: Khonumthung News

About The Author

Na ruahning rak langhter ve.. (Leave a comment)

%d bloggers like this: