England Nih Tuanbia Rilonh In Goal Zeizatdah Tambik An Goal?

City Hunter| 2018 June 25| Tukum Russia ah tuahmi FIFA world cup ah England nih Panama cu June 24 zan ahkhan 6-1 in an tei hna. Hihi 2002 kum lio 3-0 in Denmark an tei hna hnu in World Cup ah goal tambik in teinak an hmuh a si. England pumpululh tuanbia ah record sang bik goal tambik an sut zat le an sut kum na hngal ve cang maw?

1882 kum ah England nih Ireland cu 13-0 in an tei hna. 1960 kum ah Luxemburg kha 9-0 in an tei hna. 1982 kum ah Luxemburg kha 9-0 in an tei hna. 1987 kum ah Turkey kha 8-0 in an tei hna. 2013 kum ah San Marino kha 8-0 in a tei. Cucaah, England nih goal tambik sut in mi a tei kum cu 1882 kum Ireland he an chuih lio a si.

England hi 1966 kum World Cup champion an co lio ah goal an sutmi zapi hi goal 11 lawng a si. Tukum cu group stage puai hnih lawng ah goal 8 an sut manh cang. Atu puai hnih i goal 8 an sutmi hi a luancia caan a hnu bik World cup i puai 7 an chuihmi goal sutmi zat he aa tluk.

1882 kum England nih Ireland 13-0 in an rak teinak hna pumpululh chuih zuamnak hi International Friendly ah a si. Hi lio ah goal tambik in Howard Vaughton nih goal 5, Arthur Brown nih goal 4 an rak sut.
Ref; Duwun, 11v11 news

Na ruahning rak langhter ve.. (Leave a comment)

%d bloggers like this: