Falam le Hakha Karlak Kahdohnak Ah SAC Ralkap 10 An Thi Chap
The Chinland Post | 2023 March 29 — Chin ramkulh, Falam in Hakha lei ah a kal mi SAC ralkap pawl cu March 27 ah an kah ṭhan hna i SAC ralkap 10 an thi chap tiah CNA biachimnak nawl a ngeitu Salai Htet Ni nih People’s Spring ah a chim.
Hakha hrambunh LIB 266 ah eidin, thazang chap ding in March 8 ah Sagaing ramṭhen Kalaymyo in a rak chuak mi SAC ralkap mawṭaw pawl cu CNA le CDF phufonh nih an kah hna i zarhthum an rau cang tiah theih a si.
“Falam peng ah pehzulh in kahdohnak a chuak, voikhat ni bomrap puah hnawhnak ah 10 leng an thi” tiah Salai Htet Ni nih People’s Spring ah a chim.
Cun SAC ralkap pawl cu March 28 lio ah khan Taal le Thlanrawn khua karlak an rak phan cang tiah theih a si.
About The Author
