Kawkareik, Kyungdu Ah Hmunhma A Khuar Mi Ralkap Ni 2 Chung An Kah Hna I 15 Thi, PDF 3 An Nunnak A Liam Ve
The Chinland Post | 2023 March 29 — Karen ram, Kawkareik peng chung ah a um mi ralkap nih hmunhma an khuarnak pawl cu ni 2 chung pehzulh in PDF phufonh pawl nih an kah hna i ralkap lei in 15 an thi tiah Lion Battalion sin in thawng theih a si.
March 25 le March 26 ah Kawkareik peng, Kyungdo khua ah hram a bunh mi LIB 545/546, Kyungdo palek sakhaan, Kyai hlei le Ngadai Middle School ah hmunhma a khuar mi SAC ralkap pawl le BGF pawl Lion Battalion phufonh nih an kah hna hi a si.
March 25 zinglei sml 7:30am thawk in Tactical Operator L Se Wa hruai mi Lion Battalion Commando, Karen dothlennak phu pawl, PDF phufonh nih an kah hna i SAC lei in 15 an thi i tampi an i hliam tiah theih a si.
Kahdohnak chung ah Lion Battalion Commando chungtel A Shay Gyi, Myo Gyi le Thayeni hna an nunnak a liam tiah theih a si.
About The Author
