Federal Democracy phung hrambunh a simi Chin Covenant ngah ding in ICNCC nih aa zuam
The Chinland Post | 2022 June 1 – Interim Chin National Consultative Council (ICNCC) nih Federal Democracy phung hrambunh a simi Chin Covenant ngah khawhnak ding caah kan i zuam lio a si tiah May 30 ah cathanh a chuah.
Caan karlak Chin ramkulh cozah dirhnak kong telh in caan karlak uknak, phung sernak le biaceihnak rian pawl ṭuan khawhnak ding caah Chin Covenant phung a hran ṭialnak Committee dirh in rianṭuan a si tiah theih a si.
Chin Covenant phung a hran a ṭialnak Committee sin in Single Text Draft a chuah tikah ICNCC nih ceihhmai ṭi awk a ṭlakmi Chinram hriamtlai phu pawl he biaruahnak kaupi ngeih hnu ah zapi hnatlaknak in fehter le langhter a si te lai tiah a chim.
Chin Covenant phung a hran ṭialnak committee sin ah chuahpi mi phung a hran pawl cu Single Text Draft ser khawhnak ding caah Chin Convenant phung a khawmtu Committee cu phu kip in palai 2 in minung 8 nih tawlrel a si lai tiah ICNCC nih a thanh.
