Gangaw peng ah kahdohnak a chuak i YDF Deputy Commander in Chief le adang hriamtlai 1 an nunnak a liam
The Chinland Post | 2022 October 11 – Magway ramṭhen, Gangaw peng, Kyunkhungta khua pawng ah Kan khua palek pawl le mipi hriamtlai hna karlak ah kahdohnak a chuak i YDF lei in pahnih an nunnak a liam, pakhat aa hliam bantuk in palek lei zong in pakhat a thi i pakhat aa hliam tiah YDF nih an thanh.
October 9 chun sml 2:00pm hrawng ah YDF Deputy Commander in Chief Ko Pyo, YDF battalion 3 in hriamtlai Pua Lay, battalion 4 in hriamtlai Naing Thein hna cu Kan khua palek sakhaan i palek 8 he an i kap hna.
Cu kahdohnak ah YDF Deputy Commander in Cheif Ko Pyo a kehlei ṭang le a kehlei phei ah kuan nih a khen i a nunnak a liam bantuk in hriamtlai Pua Lay zong a lu ah kuan nih a khen i a nunnak a liam, hriamtlai Naing Thein zong a ban ah hliam a tuar i a luat ko nain 9MM pistol pakhat le cycle pakhat an sung tiah YDF sin in thawng theih a si.
Kahdohnak ah palek Ye Min Aung cu a kehlei ṭang le a orhlei ṭang ah ah kuan nih a khen i a thi, palek Thargyi zong a ke ah kuan nih a khen i a ruh a kuai tiah YDF nih an thanh.
About The Author
