Karen ram ah ralzaam sing 3 le cheu leng an um i a cheu leng cu hngakchia an si
![](https://i0.wp.com/thechinlandpost.info/wp-content/uploads/2022/10/Karen-IDP_2022-Oct-11.jpg?fit=640%2C512&ssl=1)
The Chinland Post | 2022 October 11 – Ralkap nih hramhram in uknak a lak hnu Karen ram chung kahdohnak pawl ruangah a zaammi mipi sing 3 leng an um cang i a cheu leng cu hngakchia an si tiah Karen ram Nuhrin Covo pu (KHRG) nih a thanh.
Cu ralzaam hngakchia chung ah nu hngakchia tampi an i tel tiah KHRG nih a thanh.
Kahdohnak ruangah a zaam mi hna cu fing le tlang lak ah an i hliam, bomrap an i lamh sual, SAC ralkap nih van in hriamngan kahnak pawl hna kha an tuar tiah KHRG nih a chim.
Cun din ti, eidin, fim cawnnak, ngandamnak lei zohkhenhnak hna kha ralzaam pawl nih an hmu kho lo tiah theih a si.
Cucaah ralzaam hna nih Moei tiva tan in Thai ram lei ah a zaam mi zong an um tiah theih a si.