Gangaw Tang 9 le Tang 10 Siahngakchia 200 Hrawng SAC Nih Raltuk Cawnnak Commando Training A Pek Hna
The Chinland Post | 2024 March 7 — Gangaw peng chaklei le Kalay peng thlanglei um pyusawhti khuate 12 in tang 9 le tang 10 siahngakchia 200 hrawng cu SAC nih Commando Training a pek hna tiah People’s Spring nih a langhter.
“Tang 9 le tang 10 hngakchia pawl training an pek hna. Training an dih in Kalay thlanglei kahdohnak ah an thlah hna lai tiah kan theih. Hngakchia caah ṭihnung taktak a si” tiah Gangaw peng mipi uknak phu chungtel pakhat nih People’s Spring ah a chim.
SAC nih Gangaw peng pyusawhti khua pawl a si mi Hanthawaddy, Koka, Shwe Myatta, Lay Gyi, Winwa le Myauk Khin Yan khua hna he aa tlai mi Kalay peng thlanglei um pyusawhti khua 5 in siahngakchia pawl cu February 29 thawk in ralkap training an pek hna tiah theih a si.
Gangaw peng in cu pyusawhti khua 7 cu SAC nih a luancia February chung ah meithal zuun 500 a pek cang hna i kuanzen tampi zong a kuat hna.
Atulio Kalay peng thlanglei ah a cang mi kahdohnak pawl ah Gangaw peng pyusawhti pawl kha SAC nih kahdohnak ah a kakter hna tiah theih a si.
About The Author
