Kachin Ram, Laiza Pawng SAC Ralkap Sakhaan 9 KIA Nih An Lak
The Chinland Post | 2024 March 8 — Kachin ram, Laiza pawng um SAC ralkap Phun-pian-bon sakhaan, Ta-ping tiva hlei sakhaan telh in SAC ralkap sakhaan 9 cu KIA hruainak in dothlennak phu pawl nih an lak tiah KIA lei thawngzamh nih an langhter.
March 6 zinglei sml 6:00am hrawng thawk in Mongmit peng le Waimaw peng chung ah a um mi SAC ralkap sakhaan hmun 12 nak tlawm lo cu KIA hruainak in dothlennak phu pawl nih an kah i sakhaan 9 nak tlawm lo an lak tiah theih a si.
KIA nih an lak khawh mi sakhaan 9 hna cu
1. Mali sakhaan
2. In-lung-hla sakhaan
3. Shan-da-pa sakhaan
4. Buan-re-buan sakhaan
5. Kha-ya sakhaan
6. Phun-pian-buan sakhaan
7. Taping tiva hngaknak sakhaan
8. LIB 237 mawṭaw chiahnak sakhaan
9. Kuai-ka-htawng khua sakhaan hna an si.
A raa lai mi caan chung zong ah KIA hruainak in dothlennak phu pawl nih Operation pehzulh in an tuah thluahmah rih lai i kahdohnak a fak chin lai tiah thawng an thanh.
About The Author
