May 24, 2024

Global Thantlang Tufa Hna Nih Vuichip Vanlawng Bual Sernak Caah Sing 40 An Hlut

0

The Chinland Post| 2018 August 4| Global Thantlang tufa hna cu US ram, Michigan State, Battle Creek khua ah ni hnih chung tonbiaruahnak an ngeih hnuah Thantlang khua Vuichip tlang vanlawng bual tuahnak caah sing 40 an hlut hna tiah theih a si.

Kum hnin dan ah voi khat tonnak tuah tawn mi Global Thantlang tufa an i tonnak chungah Thantlang khua thanchonak ca a biapi in thil phun thum tuah ding timhtuahnak an ngeih mi chungah Vuichip tlang vanlawng tumnak kong zong aa tel chih.

Global Thantlang Tufa

“Global Thantlang tufa hna cu kum hnih dan ah tonnak ngeih tawn a si. Tutan ah Thantlang khua thanchonak caah tuah dingin kan i timh mi han cu; san-ching-hmi in pumpululh chuihnak certual a thar pakhat tuah ding, a tu lio Lalluai certual khi cu a pawngkam a khat dih cang i san-ching-hmi in tuah awk a tha ti lo. Cun a har sa i cathiam bak mi Scholarship pek ding le Vuichip tlang vanlawng bual tuahnak kong hna hi an si” tiah Thantlang sipin Committee Chiarman Pu Ram Khar nih TCP ah a chim.

Atu lio Thantlang khua Vuichip tlang vanlawng bual umtu ning, thil hran ning le a hmunhma cu thiam sang hna nih an zoh dih hnu a tha ko tiah Director U Kyaw Soe nih a chim. Hi vanlawng bual rian thoknak caah sing 200 leng Thantlang khuami nih an dih cang tiah theih a si.

“Vanlawng tumnak rian domhnak ding caah tiin Global Thantlang tufa hna nih sing 40MMK an kan bawmh colh. Zeitindah kan tawlrel lai timi zong Committee hna he ceih a si te lai. US ka um chungah hi kong hi Biakinn kip ah ka chim mi zong a si. Vanlawng tumnak kongah ramleng um mi hna sin ah bawmhhal ning kongzong Committee hna he ceih a si than te lai.” tiah Pu ram Khar nih a chim.+++

About The Author

Na ruahning rak langhter ve.. (Leave a comment)

%d bloggers like this: