Hakha Ah Ningcanglo Hmunthur Hlonhmi Thawng Petu Paoh Ks. 100,000 Laksawng Pek An Si Lai

Tawk Tling Thang| 2019 June 25| Hakha peng sipin ramri chung ah ningcanglo in hmunthur a hlonhmi thawng petu paoh ks. singkhat (100,000) laksawng pek an si lai tiah kan theih.

Hakha peng sipin ramri chung ah mahte in hmunthur hlonh timh ahcun rikhiahmi No.1 Thlan hmun lonh Matupi lam, Fadeu tiva hnulei ah hlonh ding a si lai. Cozah nih rikhiahmi hmun ah hlonh lo in ningcanglo in hmunthur a hlonhtu paoh cu ks. 200,000 (singhnih) dantat an si lai tiah Sipin nih cakhenh No.11/2019, June 21 ah Sipin lutlai Tam Aung Shing minthut he thanhnak an tuah.

Sang chung ah ningcanglo in hmunthur a hlonhtu paoh cu a min, a umnak, hmunthur a hlonh lio hmanthlak he thawng a kan petu paoh 50% a simi ks. 100,000 laksawng pek nan si lai. Thawng a kan petu min zung ah langhter le thanhchuah a si lai lo. Cucaah, khuaram a thian i aa dawhnak caah mizapi pumpak nih lungtho ngai in nan kan telpi naklai thawng kan in thanh hna tiah Hakha peng sipin zung nih thawngthanhnak an tuah.

 

Leave a Commnet

%d bloggers like this: