Chinram Peng 5 Ah MPT Phone Line Suimilam 14 Chung A Pit Lai

Tawk Tling Thang | 2019 June 26| MPT (Myanma Posts and Telecommunications) nih mobile phone a hmangtu hna nih a tha deuhmi line le service tha deuhmi pek khawhnak caah a tha deuhmi seh thilri thlenremh le bunh an timh caah Chinram 5 ah suimilam 14 chung phone line a pit lai tiah  kan theih.

MPT nih seh thilri a tha deuhmi le service a tha deuhmi pek khawhnak ding seh thilri bunhnak caan cu a ralaimi June 27 zan suimilam 8:00pm in June 28 zingka suimilam 10:00 karlak ah a si lai. Cu asi caah hi rian an tuan chung paoh cu Chinram peng 5 lawng si lo in Kawlram ramthen le ramkulh cheukhat zong line  a pit dih lai tiah ahlankan in thawngthanhnak an tuah.

Chinram ah MPT phone line a pihnak ding peng hna cu; Thantlang peng (Khuabung, Phaikhua, Hnaring), Hakha peng (Mindat-Hakha lam, Surkhua), Matupi peng (Aika, Rezua), Paletwa peng (Ngamintaung, Trwan-ai), Tedim peng (Bukphiar) an si.

Chinram lawng si lo in Kachin, Kaya, Mon, Rakhine, Naypyidaw le Mandalay, Shan, Magwe, Taningtharyi le Sagaing ramthen cheukhat khua zong  ah a cunglei rikhiahmi caan chung ah MPT phone line a pit lai.

Ref: MPT

Leave a Commnet

%d bloggers like this: