Hakha Group Paih Ah Hakha Khuathar Nih Bual An Co
City Hunter| 2018 February 20| February 20, Hakha ah tuahmi Chin Miphun Ni a phuphu (group) paih ah Hakha Khuathar sang nih bual an co. A phuphu paih ah phu 5 an i pai. Cu hna cu; Hakha Khuathar sang, Hakha khuathar in Chin Hill club, Hakha Khuahlun, Chuncung an si.
Final ah Hakha Khuahlun le Hakha Khuathar an i tong. Van Ram Awr nih pathum a tei hna Hakha khuathar phu nih bual an co beh. Van Ram Awr hi 2017 kum, Falam Chin MIphun Ni ah minung 24 a teitu a si. Tukum, Hakha Chin Miphun Ni zatlang paih ah minung 15 a teitu a si. 2016 in tukum tiang Kawlram ah minung tambik a teitu a si. Minung 60 renglo a tei/ a tengh cang hna.
Tukum Hakha ah tuahmi Chin Miphun Ni paih ah paih aa dawh bik le paih thiam bik laksawng cu Van Ram Awr nih a co, amah an pek. Mi a tei hna ning le aa paihmi zoh tikah aa dawh tuk. Paih phunphun a hmanthiam.
Tutan group paih ah Rung Lian Ceu aa pai lo. Nikum ahcun Hakha Khuathar in Chin Hill club nih bual an co.
Atu hi zuamcawh final paih lawng a taang cang. Final ah aa pai dingmi cu World Champion Rung Lian Ceu le Hakha Khuathar in Tawk Hre an si. Rung Lian Ceu nih zuamcawh ah champion a co hrimhrim lai tiah an zumh cia dih cang.
Tukum, Hakha zatlang paih ah bual a cotu cu World Champion Rung Lian Ceu a si. Minung 6 a tei hna hnu ah bual a co.
Photo: The Chinland Post
About The Author
