Hakha khua ah ah mino telh in minung 19 hrawng an tlaih hna

The Chinland Post | 2022 October 4 – Chin ramkulh, Hakha khua ah SAC ralkap nih mino telh in minung 19 hrawng cu October 4 ah an tlaih hna tiah thawng theih a si.

“Kan hawipa pakhat le kan naupa zong an tlaihmi chung ah an i tel ve. An nih cu Hakha siizung pi ah Covid sii an i chunhnak ah an tlaih hna. An phone zong an check piak hna i a voihnihnak zong an check piak ṭhan hnik hna” tiah Hakha khuami pakhat nih The Chinland Post ah a chim.

Adang pawl hi cu zeiruang dah an tlaih hna i khoika dah an tlaih hna ti cu a fiang in theih a si lo.

Adang Hakha khuami pakhat nih “Zaanlei sml 5:00pm hrawng ah ralkap mawṭaw pakhat khat in mino telh in minung tampi an kal pi hna kha ka hmuh i ka fale zong leng an chuah lio a si caah ka lungrethei tuk” tiah  Hakha khuami pakhat nih The Chinland Post ah a chim.

Sihmanhsehlaw hi kong he pehtlai in The Chinland Post nih adang tein fehter khawh mi zeihmanh a um lo.

Atulio Hakha khua lamṭhen tampi ah SAC ralkap pawl nih himnak an lak i umkal tik zong ah khing a rit tiah khuami pakhat nih The Chinland Post ah a chim.

“Cherry sang lamṭhen, Sanpiah boarder hmai siseh, October 3 zaanlei zong ah No.4 B.E.H.S hmai ah siseh minung tam nawn in himnak an lak caah mino cu i chawh ngam tuk zong a si lo” tiah The Chinland Post ah a chim.

October 2 zaanṭim ah Hakha khua, Chin Oo Sii sang ah a ummi USDP zungpi zong a kaang i Hakha kiangkap zong ah kahdohnak hme tete a um caah atu bantuk in himnak an rengh hi a si lai tiah ruahdamh a si.

Hmanthlak : Lam zawh lio i mino an rak tlaih lio

Na ruahning rak langhter ve.. (Leave a comment)

%d bloggers like this: