Hakha Khua Ah Mei Man Nan Khawlh Ahcun Kan In Kah Hna Lai Tiah HCC Nih Ralrinnak A Thanh
The Chinland Post | 2023 March 27 — Chin ramkulh, Hakha khua ah Electric mei man nan khawlh ahcun kan in kah hna lai asilole kan in tlaih hna lai tiah Hakha Circle Council nih March 27 ah a thanh.
2023 April thawk in Hakha khuachung ah Electric mei man khawlh ding in SAC nih riankhinh mi Chief Minister nih Electric lei zung kha nawl a pek hna.
2021 February 1 thawk in rampi uknak hramhram in an lak hnu ah Myanmar ramchung phung vialte a rawk dih cang tiah HCC nih a thanh.
Cucaah hramhram in uknak a latu kuttang Electric zung nih mei man an in khawlhter hna tik ah i teltum lo ding le mei man pek lo ding in a langhter.
Cun dothlennak caan chung ah hman ding phung pawl ning in Hakha khuachung mipi hna nih HCC theihternak um lo in zeibantuk ngunkhuai hmanh pek a herh lo tiah a thanh.
Mei man khawlh ding in nawl a chuah mi Ministers pawl telh in zungkip lutlai pawl, Electric lei rianṭuantu pawl zong a herh ning in a zizut nan si lai tiah cathanh ah an langhter.
Mei man khawlh leng ah mipi hnahnawhnak nan pek hna zong ah tlaih le kah nan si lai tiah a thanh fawn.
About The Author
