Myawaddy Ramri Ah A Um Mi Tinkan Nyinaung Palek Sakhaan KNLA Phufonh Nih An Kah, Palek le Ralkap 11 An Thi I 8 An Tlaih Hna
The Chinland Post | 2023 March 28 — Karen ram, KNU Brigade 6 hmunhma, Myawaddy khua ramri thilri luhchuahnak tual le Tinkan nyinaung palek sakhaan cu an kah hna i ralkap le palek 11 an thi, 8 an tlaih hna tiah Cobra Column nih a thanh.
Myawaddy khua thilhri luhchuahnak tual le Tinkan nyinaung sakhaan hna cu March 25 zinglei sml 5:30pm hrawng ah KNLA phufonh nih an kah hna hi a si. An tlaih mi hna chung ah palek bawi chang le ralkap nupi 1 zong aa tel tiah theih a si.
Kahdohnak chung ah an lak khawh mi hriam hna cu AK zuun 7, AK Machine Gun 1, G3 zuun 7, UZI zuun 1, pistol zuun 1 telh in tangka sing 26 leng le adang thilri pawl zong an lak khawh tiah theih a si.
Kahdohnak chung ah mipi hriamtlai lei in 1 a nunnak a liam i 2 an i hliam tiah theih a si.
Kahdohnak chung ah KNLA, Cobra Column, Kyathitnat le Federal Wings, Golden Eagle, Yaingni hna bawm in kahdohnak an tuah tiah theih a si.
About The Author
