Hakha le Thantlang karlak kahdohnak chungah SAC ralkap sin in an lak khawhmi thilri pawl CDF-Thantlang Commando nih a langhter

The Chinland Post | 2022 October 21 – Chin ramkulh, Hakha peng le Thantlang peng ah SAC ralkap le CDF phufonh hna karlak ah a chuakmi kahdohnak chungin an lak khawhmi thilri pawl cu CDF-Thantlang Commando nih a langhter.

An lak khawhmi thilri chungah SAC ralkap nih mipi sin in an firmi sui, ngun, hnawngngerh le kuan tampi, kuan bawm pawl, raltuknak thilri pawl an i telh tiah an thanh.

Thantlang peng le Hakha peng ah October 13-19 tiang SAC ralkap le CDF phufonh hna karlak ah kahdohnak a chuak i SAC ralkap 25 nak tlawm lo an thi, tampi an i hliam tiah CNF nih October 19 ah a rak thanh.

SAC ralkap pawl cu CNA, CJDC, CDF-Thantlang, CDF-Zophei, CDF-Lautu, CDF-Mara le CDF-Hakha phufonh hna nih an doh hna tiah theih a si.

Na ruahning rak langhter ve.. (Leave a comment)

%d bloggers like this: