Hakha Myoma Market Dawrkhaan Sokmi Mee Zuh Caan An Thawn
Salai Elvis| 2018 January 27| Hakha khuachung Myoma Market dawrkhan a sokmi hna cu January 26 ah mee zuh dingin Town Hall ah an kal hna, nain a ni caan an thawn than caah mizapi cu an kir than tiah thawng kan theih.
Market dawr khan 42 caah soknak ca a chiami minung 300 renglo cu mee zuh ding in an kal hna, nain tuanvo ngeitu bawi pawl an tlin lo caah atu bantuk in an tinter than hna hi a si.
“Dawr khan a soktu hna nih mee an zuh lio te kha kan nak cunglei bawi hna nih zoh in hmu ve hna seh ti kan duh ve, mizpi zong cu an hmai kan khap lo tuk ve ko hna, sinain bawi pawl an tlin lo caah a tubantuk in kan let than hna hi a si. Febuary thla chung ah mee zuhter an si te lai, a ni caan cu a thar in theihternak zong tha tein kan tuah than te hna lai” tiah Hakha peng Sipin lutlai Tam Aung Shing nih TCP ah a chim.
“Dawrkhan 42 zuar mi chung ah a man an i dang cio, soknak ca an lak lio ah an duhmi dawrkhan poah a man he an zoh dih hna hnu in an mah duhmi paoh an sok cio hna” tiah tuanvo ngeitu nu pakhat nih TCP ah a chim.
Dawrkhan soknak ca a caw mi minung 400 renglo an si i hi chungah soknak ca a chiami minung 364 an si. Dawrkhan pakhat le pakhat a man aa dang cio i dawrkhan pakhat ah sing 35 in sing 110 karlak an si tiah kan theih. +++
About The Author
