Chin Ramkulh Cozah Lutlai Pathum Thantlang Baptist Church Ah Caan An Hmang

Salai Elvis| 2018 January 28| Chin ramkulh Chief Minister Salai Lian Luai, Hluttaw Speaker Pu Zo Bawi le Lamsul Minister Pu Sui Thio cu January 28, Thantlang Baptist Church (TBC) ah zarhpi zing pumhnak caan an hman pi hna tiah thawng kan theih.

Mah ni ah Chief Minister Salai Lian Luai nih thawngtha chimnak, Hluttaw Speaker Pu Zo Bawi nih biatawi chimnak le Lamsul minister Pu Sui Thio nih thawhlawm ca thlacamnak in caan an hman pi hna. TBC Pastor Rev. Dr Sang Cung Uk nih thawngthanhnak ah lunglawmh biachimnak zong a ngei.

Chief Minister nih “Pathian a tha tuk Chin ramkulh lutlai tu bik minung 7 chungah pakhat lawng biaknak dang a si. Hluttaw (Parliament) chung zong ah minung 24 kan um cu chungah Khrihfa minung 16 kan si, riantuantu a tam u cu Khrihfa lawng te kan si. Cucaah zei kan tuah lai paoh ah thlacamnak kan ngei peng. Pakhat cio nan thlacam piaknak thawng in a tu ni tiangah vanchiatnak, mitthli tlaknak kan tong hraw rih lo. Ka dang ramthen le ramkulh chung hna ah cun Chief Minister le riantuantu hna dang an rian in an phuah hna ti thawng nan theih cio lai. Pathian a tha i hi hnu kan rian a tang rih mi chung zongah kan hnu in thla kan cam piak rih ko u” tiah a chim.

Pu Salai Lian Luai nih an riantuannak kong a chim hnu in(Luke 5:4)in thawngtha chimnak a ngeih hna. Atu bantukin Chin Ramkulh cozah hruaitu upa hna cu Thantlang peng khuakhat sing 100 bawmhnak pekchanh nak tuah pah in Thantlang Baptist Church ah avoi khatnak Pathian thangthat tinak le pumhnak caan an hman pi hna a si. +++

Leave a Commnet

%d bloggers like this: