Hakha Sii-inn Ah Smile Train Foundation Nih Hmur Le Dang Tlek Minung 100 Alak In Operation An Tuahpiak Hna Lai
Biak Za Cung | 2018 January 22| Smile Train Foundation nih Chin ramkulh Hakha sii-inn pi ah hmur tlek le dang tlek mi hna cu 2018 January 21 in 26 tiang alak in Operation an tuahpiak hna lai tiah thawng kan theih.
“Chin ramkulh cozah zung cazin ning le kanmah theih tawk ah dangtlek le hmur tlek minung 100 tluk an um tiah kan theih. Cu tikah mizaw 100 ca in timhtuah a si i January 22 tiang Operation tuah dingmi cazin minung 28 lawng an si rih. Hi chungah ngakchia deuh an si. Operation tuah cu nikhat ah minung 10 in tuah a si lai i an dam hlan lo sii-inn ah a tlawmbik nithum cu an um lai. An um chung mizaw le a hngaktu zong eidinnak kong le an tlunkalnak man pek an si fawn lai. January 26 tiang tuah ding asinain mizaw an um ko rih ah cun kan zoh rih ko hna lai” tiah hi kong ah tawlreltu U Hla Maung nih TCP ah a chim.
Kan i ruah tluk in minung an tlawm. Kan um chungah tampi in ra hna seh ti kan duh ngai. A bik in khuate lei tiang nih theih hna seh law hi bantuk zawtnak a ngeimi ko nih thei hna seh ti kan duh” tiah a biapeh ah a chimchap.
Hi rian cu Chin ramkulh cozah theihpinak he Chinram dawtnak le zawnruahnak he a tubantuk in Hakha sii-inn ah alak in Operation an tuahpiak hna hi a si. Hi chungah siibawi lei thiamsang minung 13 an rak tlung kho tiah theih a si.
Biakilh: Lailei nan chungkhar le nan chungkhat, hawikom chung ah hmurtlek, dangtlek mi an um sual si cun thawng rak thanh cio hna usih.
About The Author
