Hakha Zatlang Paih Ah Van Ram Awr Nih Minung 15 In Tambik A Tengh Hna

City Hunter| 2018 February 19| February 19 in thawkmi Hakha Chin Miphun Ni, zatlang paih ah Hakha Khuathar in Van Ram Awr nih tambik a tengh hna tiah kan theih.

Zatlang paih cu zingka suimilam 10:30 in an thawk i atu hi an i pai cuahmah rih, a dih rih lo. Atu zan suimilam 8:00 tiang ahhin tambik a teng khotu cu Hakha Khuathar in Van Ram Awr a si. A tambik changtu cu Leisen sang ah a ummi Buanlung khuami Thawng Hlei Sang a sik minung 10 a tengh hna.

Atu tiang zatlang paih ah aa pai cangmi hi minung 125 renglo an si. Zatlang paih cu tuzan suimilam 12:00 tiang an tuah lai. Suimilam 12:00 a tlin in cun paih an ngol lai. Mah lio i teinak ahmutu kha bualco a si lai. February 20, suimilam 10:00 in a phuphu (group) le zuamcawh (singkhaw) paih an thawk than te lai.

Zatlang paih ah World Champion cotu Rung Lian Ceu aa pai lai maw, pai lai timi a fiang rih lo. Amah nihcun paih aa tim lo tiah kan theih.

Na ruahning rak langhter ve.. (Leave a comment)

%d bloggers like this: