Hlaingtharya Mei Kanghnak In Minung Pakhat A Thi I Deu-Inn 83 A Ciam Dih

Chinland Post| 2018 January 24| Yangon, Pathein lampi cung Hlaingtharya sethmuhzone -4 hmai i rilonh deu-inn pakhat ah thingmei he tisa an chuannak in mei a kaang i pa pakhat a ti. Rilonh in khua a sami deu-inn 83 mei kangh in an ciam dih tiah Yangon ramthen palek phu nih thawngthanhnak an tuah.

January 23, zingka suimilam 11:30 hrawng ah kum 60 a simi U Soe Win timi nih amah lawng inn a um lio ah thingmei in tisa a chuan i a hngilhtak. Cuti tisa a chuannak in mei a lawn. Cuti mei a kaangmi cu suimilam 12:30 hrawng lawng ah an phelh khawh. Mei a kanghning level 2 ah atu bantuk in mei kan hmih khawh hi a si tiah Myanmar ram meiphelh zungpi in Deputy Director U Win Naing nih a chim.

“Hihi tihnungmi cazin chung ah aa tel lo. Kanmah nih level 2 in mei cu kan phelh, kan hmih khawh than” tiah U Win Naing nih Duwun sin ah a chim.

Mei kangh ruang ah U Soe Win cu a thi i nu pakhat mei kangh hliamhma tlawmte a tuar. Mei kangh ruang ah thilri sungh zatlakmi man hi ks. sing 70 tluk a si tiah Myanmar ram meiphelh zungpi in theih a si.

Mei kanghnak he pehtlai in kangh hram aa thawknak inn a simi le a thimi pa cu Hlaingtharya peng palek zung nih (ပ) 205/2018, Yazatatci pohmah 285 in ahmuh an hunpiak tiah theih a si.
Ref: Duwun

Leave a Commnet

%d bloggers like this: