Hnaring Khua Dinti Peknak 2019-2020 Budget Kum Ah Aa Tel Rih Lo
Salai Elvis| 2019 July 24| Thantlang peng, Hnaring khuapi caah dinti peknak kongkau cu July 23 Amyotha Hluttaw avoi 13 caanhman tonpumhnak hmun ah MP Pu Bawi Khing nih biahalnak a tuahmi cu cinthlaknak, zuatkhalhnak ramkomh vuanci chang U Hla Kyaw nih a tang lei bantuk in bialehnak a tuah.
“Chin ramkulh cozah nih 2019-2020 budget kum riantuan dingmi kongah Hnaring khua dinti peknak kongkau cu telh a si rih lonak, a ralaimi budget kum riantuan ding tu ah telhpiak dingin tuanvo ngeitu zung sin ah thawngthanhnak tuah hnu ah le budget zohchun hnu ah a herh ning in telhpiak a si lai nak kong” U Hla Kyaw nih bialehnak a tuah.
Hnaring khua cu khuapi a si bantuk in minung, inn le lo an karh i dinti kongah harnak an rak tong bal. 2018 April le May thla lio ah dinti an har caah an khua in khaan 2 tluk aa hlat nak Bawinu tiva ti than le thil an rak su. Cu lio ah mi cheu cu inn khat ah 1000 thawh in KBZ nih ti phurhnak motor a hlut mi hna in Bawinu tiva than in ah a rak phawtzamh hna. Hnaring khuapi cu a tu lio ah minung 2000 reng lo le inn 500 reng lo an um tiah kan theih.
About The Author
