Hopang le Pan Lon cu UWSA Uknak Tang Ah A Um Cang Tiah An Thanh
The Chinland Post | 2024 January 10 — Shan ram nichuah chaklei ah a um mi Hopang le Pan Lon cu UWSA “Wa” uknak tang ah a um cang tiah UWSA nih tuni (January 10) ah an thanh.
Hopang le Pan Lon hi 2008 phunghram ning ah UWSA hmunhma chung a um i ralkap nih an tlaihnak hmunhma a si.
Hopang cu January 5 ah unau hawikom phu nih an lak khawh hnu in UWSA ralkap nih hmunhma an rak khuar.
Hopang hi MNDAA nih a uknak Kunlong khua in nichuah lei meng 11 aa hlatnak le Chinshawhaw in meng 9 aa hlatnak ah a um mi a si.
Cun Hopang he meng 20 aa hlatnak Pan Lon zong UWSA nih an tlaih.
United Wa State Army (UWSA) hi chanthar hriam a hmang kho mi, ralkap thazang 30,000 hrawng an si lai tiah kherhhlaitu pawl nih an ruahdamh.
Ralkap Council le UWSA karlak ah kahdohnak a um lo nain Operation 1027 a kalpi cuahmah mi tlangcung hriamtlai pawl hi UWSA he hawikomhnak a ngei mi an si hna.