Shan ram Chaklei Ah Lak Ding Sakhaan le Khuapi Pawl An Tang Rih
The Chinland Post | 2024 January 10 — Shan ram chaklei ah timh cang mi hmunhma pawl, lak ding sakhaan pawl le khuapi pawl a tang rih tiah unau hawikom phu nih an thanh.
Operation 1027 a ni 75 nak ni, January 9 kahdohnak thawng an thanh lio ah atu bantuk in an langhter chih hi a si.
Cubantuk in Rakhine hmunhma zong ah AA nih kahdoh ding in timhtuah mi pawl tlamtling tein lak khawh nakhnga kan i zuam rih lai tiah an langhter.
Operation 1027 a ni 75 nak ni a phak tiang unau hawikom phu nih kahdohnak ningkhel tein an tuah lengmang rih i a dih rih lo mi kahdohnak hmunhma pawl hrawk cikcek ding in kan doh lai tiah an thanh.
Nikhat hmanh din lo in kahdohnak kan tuah mi nih Myanmar ram mipi a tam-u nih kan i ruahchan mi “hramhram uknak a hram in bongh ding” timi kha tampi a bawmh lai tiah an chim.
Kahdohnak he pehtlai in a rak chuak mi thazang ṭhawnnnak nih dothlennak phu pawl ca zong ah ṭhawnnak a chuahpi tiah an thanh.
Kahdohnak ṭhawnter chin in dothlennak lei teinak pawl nifatin in kan hmuh khawh nakhnga i zuam chin hna usih tiah forhfialnak zong an tuah.
About The Author
