Hopong Nichuah Lei Kahdohnak Ah SAC Ralkap Major 2, Captain 3 Telh In Ruak 16 An Char
The Chinland Post | 2024 February 27 — Hopong peng nichuah lei ah PNLA le SAC ralkap hna karlak ah kahdohnak a chuak i SAC ralkap lei Major 2, Captain 3 telh in a thi mi ruak 16 an char tiah PNLA nih an thanh.
Hmunhma chung ah humhimnak tuah ding in a cawlcang mi PNLA ralkap cu Hopong nichuah lei hmunhma pakhat ah SAC ralkap nih an kah hna i February 25 ah kahdohnak a chuah hi a si tiah an thanh.
Kahdoh a chuahnak hmunhma cu PNLA ralkap pawl nih an va zohfel tik ah SAC ralkap ruak 16 an kaltak i SAC ralkap Major 2 le Captain 3 zong kahdohnak chung ah an thi tiah an thanh.
Kahdohnak chung in SAC ralkap MA meithal zuun 15, Drone kahnak meithal 1, Pistol 1 le kuanzen pawl an lak khawh tiah PNLA nih an thanh.
About The Author
